عبارة عن كل جديد ومفيد


    شاعر يحضر زواج حبيبته ويلقي قصيدة للعريس ( قصيدهـ قويه )

    شاطر
    avatar
    قسمتي ابقى اعاني

    المساهمات : 72
    تاريخ التسجيل : 06/07/2010

    شاعر يحضر زواج حبيبته ويلقي قصيدة للعريس ( قصيدهـ قويه )

    مُساهمة  قسمتي ابقى اعاني في الإثنين يوليو 19, 2010 4:38 pm




    شاعر يحضر زواج حبيبته ويلقي قصيدة للعريس - جريء بجد (من أروع ماقرأت)

    مــســاء الــخـيـــر..

    هذه قصيده وجهها عاشق لعريس عشيقته ليله الزفاف ما رأي المقبلين على الزواج لو كان احدهم مكان هذا العريس ؟ ووجد هذا العاشق يلقي القصيدة امامه في قاعه العرس؟
    اقدم عدة احتمالات
    1-الطلاق
    2- سحب مسدس وقتله_ولا اظن احدا يحمل مسدسا في مثل هذه الليله
    3-ينزل ويجلسه مكانه


    دعونا من الإحتمالات وخلونا بهالقصيدة الرائعة المؤثرة بالفعل ؛ التي تجبرك على قراءتها للنهاية ..
    وإن شاء الله تحوز على رضاكم ..





    أبد .. ما جيت أبارك ولكن جيـت باوصّيـك
    على الله ناوي ٍ تدخل بهـا الليلـه ... مُعذّبْتـي

    ترى لولا الظروف اللي عطتْك وحدّت محاكيك
    قسم بالله ما تدخـل عليهـا لـو علـى رْقبْتـي

    ولكنّ النصيب اقوى ولا ادري ويش اسوّي فيك
    نعم .. صارت معزّبتك .. ولا صارت معزّبْتي

    كذا شاءت بنا الأقدار تحرمني لأجـل تعطيـك
    كذا لازم عشان تفوز إنت .. أخسـر بتجربْتـي

    تراها غاليه جـداً .. وتكفـى .. والله يخليـك
    تـدللها .. تدلعهـا .. تنسّيـهـا مصاحبْـتـي

    أنا من كثر ما اغليها أحس اني بديـت اغليـك
    ولا تسـأل بأيّـة حـق ولا ّ وش مناسبْـتـي

    لإنك لو بتسألني بتسمع شـيء مـا يرضيـك
    لـذا ياخـوي لا تسـأل ولا تسمـع لأجوبْتـي

    أبيك تحطها في داخل عيونـك وبيـن ايديـك
    وهي دلوعه اعتـادت علـى كثـرة مداعبْتـي

    فداعبها شوي شوي حتـى تشتهـي طاريـك
    وشاغبها إليـن تقـول لـك: بطّـل مشاغبْتـي

    واذا هي مالها خلقك..ولا تضحك ولا تسلّيـك
    تحمّلها وإسألهـا: يـا عمـري ليـه عصّبْتـي

    وبالك اسمع انّك يوم تضربها وهـي تشكيـك
    ما يحتاج اورّي لـك بفـن الضـرب موهبْتـي

    صحيح انك بتملكها ومعك العقد بالتمليـك
    وانا عارف حـدود الله ومـن حقـك معاقبْتـي

    ولكن قلّها المجنـون وصّانـي وهـو يعنيـك
    يقـول انّـه بينتظـرك ولـو شيّـب وشيّبْتـي

    وانا مجنونها اللي ما نساها وانت مـا يمديـك
    تغطّي ذكرياتي في هواهـا.. وربْـع تجربْتـي

    أحس اني تماديت بكلامي.. والغضب حاديـك
    ولو انّك في مكاني مـا تفكّـر في محاسبْتي

    كفاك اني تركت الليله اشغالي عشـان اجيـك
    دخلت القاعه برجلي ولا ادري ويش عاقبْتـي

    انا ما جيت اخرّب عرسك الليلـه ولا آذّيـك
    أنا جيتك عشان اخاطبـك واسمـع مخاطبْتـي

    توصّى..وانتبه..واحرص عليهـا والله يهنّيـك
    ترى كل الكلام اللي طلَع مـن ضيقـيَ وكبْتـي

    ولكن ما قدرت انّي أقوله وانـت مـا يخفيـك
    أخـاف انّـي إذا قلتـه تقـوم وتقطـع رقبتي








    avatar
    MOHAMMAD

    المساهمات : 89
    تاريخ التسجيل : 07/07/2010
    العمر : 30
    الموقع : مكه المكرمه

    رد: شاعر يحضر زواج حبيبته ويلقي قصيدة للعريس ( قصيدهـ قويه )

    مُساهمة  MOHAMMAD في الثلاثاء يوليو 20, 2010 5:03 am

    مشكووووور اخوي على الموووضوع اكثر من رايع ننتضر مزيدك
    avatar
    قسمتي ابقى اعاني

    المساهمات : 72
    تاريخ التسجيل : 06/07/2010

    رد: شاعر يحضر زواج حبيبته ويلقي قصيدة للعريس ( قصيدهـ قويه )

    مُساهمة  قسمتي ابقى اعاني في الثلاثاء يوليو 20, 2010 2:44 pm



    MOHAMMAD

    شاكر لك مرورك
    avatar
    أح سآس شآعر
    Admin

    المساهمات : 198
    تاريخ التسجيل : 30/06/2010
    الموقع : مكة المكرمة

    رد: شاعر يحضر زواج حبيبته ويلقي قصيدة للعريس ( قصيدهـ قويه )

    مُساهمة  أح سآس شآعر في الأربعاء يوليو 21, 2010 6:54 am

    لو أنا مكان العريس والله ماارحمة اتركة يغازلها قدامي ومشكوور ع الموضوع

      الوقت/التاريخ الآن هو الأربعاء مايو 23, 2018 12:56 pm